ბლინები ყველითა და სოკოთი ბლინები გამოვაცხოთ. ქამა გავრეცხოთ, გავაშროთ და დავჭრათ. ხახვი გავასუფთავოთ და დავჭრათ წვრილად. ზეთიან ან კარაქიან გახურებულ ტაფაზე მოვშუშოთ ხახვი. დავუმატოთ სოკო, თან მოვურიოთ, სანამ კარგად არ მოიშუშება ცეცხლიდან არ გადმოვდგათ. სოკოსა და ხახვს შეგიძლიათ მწვანილიც დაუმატოთ. ბლინის შუაგულში დავდოთ 1 ს.კ. სოკო და მოვაყაროთ ყველი. *სოკოს შეგიძლიათ დაადოთ მჟავე კიტრის რამდენიმე თხელი რგოლი. დავკეცოთ ბლინები კონვერტივით და ორივე მხრიდან შევწვათ, სანამ მადისაღმძვრელად არ მოიბრაწება. ბლინები ლორით, სოკოთი და ყველით ფართო ტაფაზე გამოვაცხოთ ბლინები. ლორი პატარა ნაჭრებად დავჭრათ. სოკოს სითხე მოვაშოროთ. ყველი გავხეხოთ. ბლინის შუაში, ან ნაპირზე დავდოთ 1-2 ნაჭერი ლორი, 1 ს.კ. სოკო და მოვაყაროთ გახეხილი ყველი. ბლინები კონვერტივით დავკეცოთ. ორივე მხრიდან შევწვათ.
