ულუფების რაოდენობა: 4
მომზადების დრო: 35 წუთი.

მოსამზადებლად დაგჭირდებათ: 
680 გრ. ქათმის ღვიძლი, 
1 თავი ხახვი, 
2 ცალი სხვადასხვა ფერის ტკბილი წიწაკა, 
3 ს/კ კარაქი, 
150 გრ. მოხარშული მაკარონი, 
75 გრ. ტომატის მწარე სოუსი, 
დაფქვილი პილპილი, მარილი.

მომზადების წესი: 
ღვიძლს მოაშორეთ სადინარები, კარგად გარეცხეთ და შეაშრეთ. გააცხელეთ კარაქის ნაწილი, სწრაფად დაბრაწეთ ღვიძლი ბრაწულა კანის წარმოქმნამდე, თან მუდმივად ურიეთ. გემოვნებით უყავით მარილი და პილპილი. დაუწიეთ ცეცხლს და გააგრძელეთ თუშვა კიდევ 5-7 წუთი. დარჩენილ კარაქში 2-3 წუთის განმავლობაში მოდაღეთ ალყა-ალყად დაჭრილი ხახვი, დაამატეთ სიგრძეზე, წვრილად დაჭრილი ტკბილი წიწაკა და კიდევ 5 წუთი დატოვეთ ცეცხლზე. სუფრაზე გატანის წინ ლანგარზე დადეთ ტომატის საწებელით შეკმაზული მაკარონი, ზემოდან დაალაგეთ შემწვარი ღვიძლი და ბოსტნეული. მოასხით ცხიმი, რომელშიც მზადდებოდა ბოსტნეული.