მასალა: 450 გრ. ფქვილი, 20 გრ. მშრალი საფუარი, 5 გრ. მარილი, 60 გრ. შაქარი, 1 პაკეტი ვანილი, 170 მლ. რძე, 1 კვერცხი და 1 კვერცხის გული, 140 გრ კარაქი.

მომზადება: 170 მლ. რძეში გავხსნათ 1 ჭიქა ფქვილში გახსნილი საფუარი და შემდეგ დავუმატოთ დანარჩენი ფქვილი. მოვზილოთ ცომი და გავაჩეროთ გასაფუებლად, გადავზილოთ და კიდევ დაველოდოთ ამოსვლას. გავშალოთ ცომი (ძალიან ნაზი ცომი გამოდის) და წავუსვათ 40 გრ. კარაქი, მოვაყაროთ 2 ს.კ. შაქარი, გადავკეცოთ, კიდევ წავუსვათ 40 გრ. კარაქი, ისევ მოვაყაროთ 2 სუფრის კოვზი შაქარი, გადავკეცოთ და კიდევ ერთხელ გავიმეოროთ იგივე პროცედურა. შევდოთ მაცივარში და გავაჩეროთ 40 წუთი. გამოვიღოთ ცომი, გავშალოთ 1 სმ სისქეზე, დავჭრათ ოთხკუთხედებად, კონვერტივით გადავკეცოთ, მოვათავსოთ ლანგარზე (ახლოს ერთმანეთთან), წავუსვათ გათქვეფილი კვერცხი და მოვაყაროთ შტრეიზელი: 30გრ. ფქვილი, 20 გრ. შაქარი და 20გრ. კარაქი გადაურიოთ ერთმანეთში და მივიღებთ ფხვიერ მასას. გავაჩეროთ 40 წუთი ლანგარზე ამოსასვლელად და გამოვაცხოთ ღუმელში 200 გრადუსზე.