გვესაჭიროება:
600 გრ. ნედლი ან 200 გრ. ხმელი სოკო, 
1 კგ. კარტოფილი, 100 გრ. 
ქერის (`პერლოვკა~) ბურღული, 
125 გრ. სტაფილო, 
120 გრ. თავი ხახვი, 
50 გრ. ზეთი, 
1800 მლ. სოკოს ბულიონი, 
ოხრახუში, მარილი - გემოვნებით.

მომზადების წესი:
სოკოს ბულიონი მოვხარშოთ ხმელი ან ნედლი სოკოსაგან. მოხარშული ხმელი სოკო დავჭრათ წვრილად, ხოლო ნედლი სოკო დავჭრათ ბულიონის მოხარშვის წინ. ქერის ბურღული დავარჩიოთ, გავრეცხოთ, ჩავყაროთ მდუღარე წყალში, ვხარშოთ ნახევრად მზადყოფნამდე 30-40 წუთის განმავლობაში. გადავღვაროთ წყალი, ბურღული გავრეცხოთ.
კარტოფილი დავჭრათ პატარა კუბებად. წვრილად დაჭრილი სტაფილო, ხახვი და მწვანილი მოვშუშოთ ზეთში. 
მზა სოკოს ბულიონში ჩავყაროთ ნახევრად მოხარშული ბურღული, ვხარშოთ 15-20 წუთი, დავამატოთ კარტოფილი, მოშუშული სტაფილო, ხახვი და ვხარშოთ მზადყოფნამდე. ხარშვის ბოლოს დავამატოთ დაჭრილი მოხარშული სოკო და მოვაყაროთ მარილი.