პორციის რაოდენობა - 4 ულუფა. მომზადების დრო - 45 წუთი. ინგრედიენტები: კობრის (ქორჭილას, კამბალას) ფილე - 4 ცალი, კარტოფილი - 4 ცალი, კვერცხი - 1 ცალი, ზეთი - 8 სუფრის კოვზი, ტკბილი მწვანე წიწაკა -3 ცალი, მწვანე ხახვი - 8 ცალი, ნიორი - 1 კბილი, იოგურტი - 2 სუფრის კოვზი, ლიმონის წვენი - 1 სუფრის კოვზი, პილპილი და მარილი გემოვნებით. მომზადების წესი: 1. თევზის ფილეს მოაყარეთ მარილი და პილპილი, მოასხით ლიმონის წვენი და ამოავლეთ ნაჭრები ათქვეფილ კვერცხში. 2. კარტოფილი დაჭერით და ფორმის მეშვეობით გამოჭერით "წვეთების” მსგავსად. 3. ფილეს დაადეთ "წვეთები” და შეწვით , კვლავ დაადეთ "წვეთები”, გადააბრუნეთ და შეწვით მეორე მხრიდან. მიიყვანეთ თევზი მზადყოფნამდე აირღუმელში. 4. სოუსისთვის წიწაკა დაჭერით, ხახვი დაკეპეთ, შეწვით ზეთში, დაამატეთ 1/2 ჭიქა წყალი და მოთუშეთ დარბილებამდე, რის შემდეგაც გახეხეთ. 5. მიღებულ პიურეს დაამატეთ დაკეპილი ნიორი, მარილი, პილპილი, 2 ჩაის კოვზი ლიმონის წვენი, წამოადუღეთ. პიურე გააცივეთ და დაამატეთ იოგურტი. მიტანისას თეფშზე დაასხით სოუსი, ზემოდან დადეთ თევზი, გააფორმეთ ლიმონის ქერქით და მწვანილით.
|