1. ჩაასხით ქვაბში 30 გრ. ზეთი და 30 გრ. კარაქი; 2. ამავე ქვაბში
მოთუშეთ 250 გრ. გახეხილი სტაფილო და 250 გრ. წვრილად დაჭრილი ხახვი.
3. მოთუშვის შემდეგ დაამატეთ წინასწარ მოხარშული 300 გრ. ქონა თეთრი ლობიო;
4. ცალკე ტაფაზე დაასხით ისევ ზეთი, კარაქი და ჯანჯაფილი ან შემცვლელად
ნიორი და ლიმნის წვენი, თუმცა ნიორი გამოუვალ მდგომარეობაში; 5.
დაჭერით 500 გრ. ქათმის ფილე ლუკმის-ხელა კუბებად და ჩაუშვით ამ ტაფაში;
6. როცა ხორცი გათეთრდება, 3-4 წუთში დაუმატეთ მარილი, შავი წიწაკა, თეთრი
მშრალი ღვინო 70-100 მლ. და ამდენივე ნაღები; 7. გადაიყვანეთ დაბალ
ცეცხლზე. თავ-ახდილ მდგომარეობაში გააჩერეთ მანამ, სანამ ეს სითხე
ნახევრამდე არ შემცირდება. ბოლოს დაამატეთ, ანუ იქვე დაახეხეთ მუსკატის
კაკალი დაახლოებით 1/4; 8. ეს მასა გადაიტანეთ ბოსტნეულის ქვაბში
ქაფქირით, ისე, რომ წვენი არ გაყვეს; 9. ამ წვენში ჩაუშვით სოკო
300-400 გრ. ოდენობით და ისევე მოთუშეთ, როგორც ხორცი, თუ საჭიროა დაამატეთ
ღვინო და ნაღები; 10. საბოლოოდ ეს სოკოც გადაიტანეთ სხვა
ინგრედიენტებთან, გასინჯეთ და დაუმატეთ საჭირო საკმაზ-სუნელები: მუსკატი,
მარილი, წითელი და შავი წიწაკა. თუ საჭიროა ღვინოც და ნაღებიც. ამ ბოლო
ორის დამატება დამოკიდებულია იმაზე, თუ რამდენად წვნიანი კერძი გინდათ
გამოვიდეს, თუმცა გახსოვდეთ, რომ ღვინის დამატების შემდეგ სითხე 2-ჯერ უნდა
შემცირდეს დუღილის განმავლობაში; 11. თუ ერთი დიდი ფიალით მიგაქვთ
სუფრაზე - მაშინ, სოკოს როცა დაამატებთ, წვენიც მაშინ ჩაუშვით სხვა ქვაბში;
თუ პორციებად, მაშინ სოკოც ქაფქირით გადაიტანეთ, დარჩენილი სითხე კი
აქციეთ სოუსად, რათა შემდეგ მოასხათ პერსონალურ პორციებს. 12. ცალკე
მომზადებული სოუსი უნდა იყოს უფრო ცხარე და მეტად შეკმაზული მუსკატის
კაკალით.
