მასალა:

6 ც. კვერცხი, 120 გრ. საქონლის მოხარშული ხორცი, 300 მგ. ხორცის ბულიონი, 12 გრ. ჟელატინი, 12-18 ც. შტოში ("კლუკვა”), ოხრახუშის ღერები გასაფორმებლად.

მომზადება:
კვერცხი 10-15 წუთით ჩადეთ თბილ წყალში, შემდეგ დაამუშავეთ სასმელი სოდის  2%-იანი ხსნარით და 5 წუთის განმავლობაში გაუკეთეთ დეზინფექცია ხლორამინის 0,5%-იანი ხსნარით. ამის შემდეგ კარგად გარეცხეთ სუფთა, გამდინარე წყალში. ჟელატინი ჩაალბეთ ექვსჯერ მეტ ცივ წყალში. როცა ჟელატინის მარცვლები გამჭვირვალე გახდება, გადაწურეთ და შეუერთეთ თბილ ბულიონს, კარგად ამოურიეთ და მიიყვანეთ ადუღებამდე.

შემდეგ გადაწურეთ და გააცივეთ ოთახის ტემპერატურამდე. კვერცხებს ფრთხილად გაუხვრიტეთ ქვედა ნაწილი, გადმოღვარეთ შიგთავსი, ნაჭუჭი გარეცხეთ გულდაგულ ისე, რომ ნაჭუჭი არ დატყდეს. ნაჭუჭი დადეთ ვერტიკალურად, მეოთხედზე ჩაასხით ჟელე და გააცივეთ. ჟელეს შედედების შემდეგ, ჩაუშვით ხორცის პატარა ნაჭრები, მწვანილის ღერო, 2-3 ცალი შტოში და მთლიანად ამოავსეთ ჟელეთი. როცა ჟელე კარგად შედედდება ნაჭუჭი შემოაცალეთ, დააწყვეთ კვერცხის დასალაგებელ სინზე, გააფორმეთ მწვანილის ღერებით. სუფრაზე გაიტანეთ პირშუშხას სოუსთან ერთად.

გემრიელად მიირთვით!