მასალა:
- ნაღების კარაქი - 250 გრ.
- ფქვილი - 2,5 ჭიქა,
- შაქარი - 1 ჭიქა,
- ვანილის შაქარი - 1 ს.კ.
- კრახმალი - 3 ს.კ.
- კვერცხი - 4 ცალი.
- რძე - 0,5 ჭიქა,
- გამაფხვიერებელი - 2-3 ჩ.კ.
- მარილი - 1/4 ჩ.კ.
- კაკაო - 2-3 ჩ.კ.
მომზადება:
დარბილებული ნაღების კარაქი შაქართან და ვანილის შაქართან ავსრისოთ. 
თითო-თითოდ დავამატოთ კვერცხი და კარგად მოვურიოთ. გაცრილი ფქვილი კრახმალს ავურიოთ, მარილი და გამაფხვიერებელიც დავუმატოთ. ფქვილი თანდათან კვერცხისა და კარაქის ნარევს ჩავუმატოთ და კარგად შევზილოთ. დავამატოთ რძე და ასევე კარგად ავურიოთ გამზადებულ მასას. მიღებული ცომი 2 თანაბარ ნაწილად გავყოთ – ერთ-ერთს დავუმატოთ კაკაო.ცხიმით გაპოხილ გამოსაცხობ ფორმაში ღია ფერის ცომი ჩავასხათ, ზევიდან ფრთხილად მუქი ცომი გადმოვიღოთ.
ჩანგლით ფრთხილად ავურიოთ ერთმანეთს ცომის სხვადასხვა ფენა. კექსი 180-გრადუსიან ტემპერატურაზე უნდა გამოცხვეს დაახლოებით 1 საათის განმავლობაში. კექსს ზევიდან პუდრა მოვაყაროთ, ან გამდნარი შოკოლადი მოვასხათ.
გემრიელად მიირთვით!
| 
