მასალა:
- 1 ჩ/ჭ გახეხილი ბანანი,
- ¼ ჩ/ჭ არაჟანი,
- 1 ჩ/ჭ ვანილის შაქარი ცომისთვის,
- 1 ჩ/კ ვანილის შაქარი კრემისთვის,
- 2 ჩ/ჭ ფქვილი ცომისთვის,
- ¼ ჩ/ჭ ფქვილი კრემისთვის,
- 2 ც. კვერცხი.
- ცომის გამაფხვიერებელი: ¼ ჩ/კ
- სოდა, 1 ჩ/ჭ
- შაქარი ცომისთვის, ½ ჩ/ჭ
- შაქარი კრემისთვის, ½ ჩ/ჭ
- მარგარინი, 100 გრ.
- შოკოლადი ცომისთვის, 150 გრ.
- შოკოლადი კრემისთვის,
- 3 ს/კ კაკაოს ფხვნილი,
- 1 ჩ/ჭ რძე,
- 200 გრ. ნაღების კარაქი.
მომზადება:
გახეხილი ბანანი შეურიეთ არაჟანს და ვანილის შაქარს. ფქვილს შეურიეთ სოდა და გამაფხვიერებელი, ათქვიფეთ მარგარინი შაქართან ერთად, თანდათან ჩაუმატეთ თითო-თითო კვერცხი, მორიგეობით შეურიეთ ცოტ-ცოტა ფქვილი და ბანანი (პირველი და ბოლო ნაწილი უნდა იყოს ფქვილი). შოკოლადი გახეხეთ მსხვილ სახეხზე, შეურიეთ ცომს. ცომის 1/3 ჩადეთ ცხიმწასმულ ფორმაში და გამოაცხვეთ 200º-ზე 20 წუთის განმავლობაში. იგივენაირად გამოაცხვეთ ცომის დარჩენილი ორი ნაწილი. გააცივეთ. კრემისთვის გაადნეთ შოკოლადი ორთქლზე, შეურიეთ შაქარი, კაკაო, ფქვილი, რძე და ათქვიფეთ. მასა მიიყვანეთ ადუღებამდე და მუდმივი რევით ადუღეთ 2 წუთი. გააგრილეთ, კარაქი ათქვიფეთ და თანდათან შეურიეთ შოკოლადის მასა და ვანილის შაქარი. ფირფიტებს წაუსვით, კრემი დაადეთ ერთმანეთს. კრემით დაფარული ტორტის ზედა ნაწილი და გვერდები მორთეთ დანარჩენი შოკოლადით და ბანანის ნაჭრებით.
| 
