მასალა:
- 15-20 გრ. ჟელატინი (1 ს.კ.),
- 1ჭიქა წყალი ან რძე,
- 250გრ. ხაჭო,
- 250გრ. არაჟანი,
- 0,5-0,75 ჭიქა, შაქარი,
- 2 ს.კ. ვანილის შაქარი.
მომზადება:
ჟელატინი ჩავალბოთ ცივ წყალში ან რძეში, გავაჩეროთ 1-2 საათი გასაღვივებლად. გაღვივებული ჟელატინი დავდგათ დაბალ ცეცხლზე გასადნობად (არ უნდა ადუღდეს).
ჟელატინის ცხელ ხსნარს დავუმატოთ შაქარი, ვანილის შაქარი, ვურიოთ, სანამ შაქარი ბოლომდე არ გადნება. ხაჭო გავცრათ საცერში ან გავატაროთ ხორცსაკეპ მანქანაში. არაჟანი გადავიღოთ ჯამში და შევურიოთ ჟელატინის ხსნარი და ჩავასხათ მიღებული ხაჭოს, არაჟნის და ჟელატინის მასა მომზადებულ ფორმებში, სისქით 1-3 სმ. და დავდგათ ცივ ადგილას შესასქელებლად.
როცა დესერტი შესქელდება დავჭრათ და მივიტანოთ სუფრასთან.
გემრიელად მიირთვით!
| 
