მასალად საჭიროა:
4 ულუფა
8 ნაჭერი პური
100 გ ხაჭო
2 ს.კ. არაჟანი
1 ს.კ. გახეხილი პირშუშხა
80 გ კარაქი
80 გ ორაგულის ხიზილალა
1/2 კიტრი
1 თავი ხახვი
1/2 ლიმონი
120 გ დამარილებული ორაგულის ფილე
დაფქული წითელი წიწაკა
ოხრახუში, კამა 

მომზადების წესი:
1. პურისგან გამოჭერით 6-7 სმ დიამეტრის და 6-7 მმ სისქის მრგვალი ნაჭრები. მწვანილი დაჭერით წვრილად.
2. ხაჭო და არაჟანი შეურიეთ ერთმანეთს, დაუმატეთ გახეხილი პირშუშხა და წითელი წიწაკა.
3. პურის 4 ნაჭერს ზემოდან და გვერდებზე წაუსვით დარბილებული კარაქი. გვერდები მორთეთ დაჭრილი მწვანილით. დარჩენილ 4 ნაჭერ პურს წაუსვით ხაჭოიანი მასა და გვერდები კვლავ მწვანილით მორთეთ.
4. კარაქიან ნაჭრებზე გაანაწილეთ ხიზილალა და გააფორმეთ ლიმონითა და ოხრახუშით. ხაჭოიან ნაჭრებზე კი ორაგულის ფილე დააწყვეთ და გააფორმეთ კიტრით, რგოლებად დაჭრილი ხახვითა და კამით.